ევროპასა და აზიას შორის უმოკლესი გზის საძიებლად გამგზავრებულ ქრისტეფორე კოლუმბს (1451-1560) ესპანეთის მთავრობამ სამი ხომალდი გადასცა(“სანტა მარია”, “პინტა”, “ნინია”). და დიდი ადმირალი 90 კაციანი ეკიპაჟით 1492 წლის 3 აგვისტოს ნავსადგურ პალოსიდან გავიდა. კოლუმბის ექსპედიციაში ესპანეთის საუკეთესო მეზღვაურები იყვნენ...

ცნობილი ნევროლოგი, აკადემიკოსი ნიური მოლაშხია 1972 წ. მექსიკის დედაქალაქ მეხიკოში შემთხვევით წააწყდა ფოტოგალერიას, რომელსაც ამშვენებდა წარწერა “ფოტოგრაფი მოლაშხი”. ცხადია, ბატონმა იურიმ მოინდომა, შეხვედროდა თავის მოგვარეს, ატელიეს პატრონს.

მექსიკელი მოლაშხია ფოტოატელიეთა ქსელის პატრონი ყოფილა. მის უამრავ სახელთა შორის ერია – გიორგიც - ჰყვება ბატონი იური, - მან თავისი გვარის ისტორია მიამბო.

“ჩემი შორეული წინაპარი ქართველი იყო. თურმე მთის ერთ სოფელში ცხოვრობდა სამი ძმა მოლაშხია. რომელიღაც დიდი ფეოდალი შემოკვდომიათ, იქ არ დაედგომებოდათ და გაქცეულან. უფროსი მდევარს ჩავარდნია ხელთ. ორს – დიდი ხნის ხეტიალის შემდეგ ბასკეთში ჩაუღწევია.

იმ ხანებში ქრისტეფორე კოლუმბის მამაც ჯანსაღ მეზღვაურებს აგროვებდა თავისი ექსპედიციისთვის. ასე მოხვედრილან ძმები ხომალდ “სანტა მარია”-ზე , რომლის კაპიტანი თავად კოლუმბი იყო. ისინი ერთად ეძებდნენ ინდოეთის გზას და თავი ამერიკაში ამოყვეს. უმცროსი ძმა აქვე დარჩა – მე მისი შთამომავალი ვარ, შუათანა – ბასკეთში დაბრუნდა. მისი ნაგრამი დღესაც იქ ცხოვრობს”.

ბართლომე ლას კასასის წიგნს. “ინდოეთის ისტორია” დართული აქვს კოლუმბის ექსპედიციის ნუსხა. ნუსხაში მეექვსე ნომრად წერია – “Chao Georgio Molaschchia”.

“სანტა მარიას” ეკიპაჟის ნუსხაში მოხსენიებულია კიდევ ერთი ქართული წარმოშობის გვარი – ლიპუსკუა...

ვრცლად >>